قلب کو اس کی رؤیت کی ہے آرزو

قلب کو اس کی رؤیت کی ہے آرزو

اللہٗ اللہٗ اللہٗ اللہٗ

قلب کو اس کی رؤیت کی ہے آرزو

جس کا جلوہ ہے عالم میں ہر چار سو

بلکہ خود نفس میں ہے وہ سبحانہ

عرش پر ہے مگر عرش کو جستجو

اللہٗ اللہٗ اللہٗ اللہٗ

عرش و فرش و زمان و جہت اے خدا

جس طرف دیکھتا ہوں جلوہ تیرا
ذر ذرے کی آنکھوں میں تو ہی ضیا
قطرے قطرے کی تو ہی تو ہے آبرو

جہت	طرف
ضیاء	چمک
آبرو	عزت

اللہٗ اللہٗ اللہٗ اللہٗ

تو کسی جا نہیں اور ہر جا ہے تو

تو منزہ مکاں سے مبرہ ز سو
علم و قدرت سے ہر جا ہے تو کوبکو

جا	جگہ
منزہ	عیوب سے پاک
سو	طرف ز،کامطلب "سے”ہوتاہے
کوبکو	ہرجگہ،یعنی اللہ عزوجل ہر جگہ بلا کیف حاضر و ناظر ہے
عفو	بخشش یا معافی یادرگزرکرنےوالا

اللہٗ اللہٗ اللہٗ اللہٗ

سارے عالم کو ہے تیری ہی جستجو

جن و انس ملک کو تیری آرزو
یاد میں تیری ہر ایک ہے سو بسو
بن میں وحشی لگاتے ہیں ضرباتِ ہو

جستجو	طلب کرنے والا یا کوشش
انس	انسان
ملک	فرشتہ
سوبسو	ہرطرف اور ہرجگہ
بَن اور وحشی	بن کا معنی جنگل ، وحشی کا مطلب اجنبی غیر مانوس۔ جانور جو اللہ عزوجل کے ذکر میں مشغول ہوتے ہیں جیسے بھی

اللہٗ اللہٗ اللہٗ اللہٗ

نغمہ سنجان گلشن میں چرچا تیرا

چہچہے ذکر حق کے ہیں صبح و مسا
اپنی اپنی چہک اپنی اپنی صدا
سب کا مطلب ہے واحد کے واحد ہے تو

سنجان	واقف و آگاہ
مساء	شام

اللہٗ اللہٗ اللہٗ اللہٗ

طائران جناں میں تیری گفتگو

گیت تیرے ہی گاتے ہیں وہ خوش گلو
کوئی کہتا ہے حق کوئی کہتا ہے ھو
اور سب کہتے ہیں لا شریک لہ

طائران

پرندے اڑنے والے یہ جمع ہے جو استعارہ ہے حوروغلماں سے

اللہٗ اللہٗ اللہٗ اللہٗ

بلبل خوش نوا طوطی خوش گلو

زمزمہ خواں ہیں گاتے ہیں نغمات ھو
کمری خوش لقا بولی حق سرہ
فاختہ خوش ادا نے کہا دوست تو

نوا	سُر یا خوش آواز
طوطی	محاورہ،ایک خوش آواز چڑیاجو توت کے موسم میں دکھائی دیتی ہے
خوش مگو	اچھی آواز والا
زمزمہ خواں	خوش آوازی سے نغمہ پڑھنے والا
قمری	ایک معروف پرندہ جس کی آواز بہت گونج دار ہوتی ہے
لِقا	دیدار و ملاقات
فاختہ	فراق و سوز کی علامت،خاکستری کبوتر
شبنم	صبح کے وقت گھاس پر پڑنے والے پانی کے قطرے

اللہٗ اللہٗ اللہٗ اللہٗ

صبح دم کر کے شبنم سے غسل باوضو

شاہدان چمن بستہ صف روبرو
ورد کرتے ہیں تسبیح سبحانہ
هو ولا غيره هو ولا غيره

شاہدان	گواہ،حاضر،بستہ کا معنی باندھنا یاہاتھ باندھ کر
ھو ولا غیرہ	وہی ذات باقی رہنے والی ہے اس کے علاوہ کوئی نہیں